San ngut ki khynnah Bangladeshi wa puræ ha National Institute of Technology ha Silchar, Assam kiwa wan puræ lyngba ka Scholarship ka Indian Council for Cultural Relations (ICCR), da chah Suspend ki hadien wa yachoh ki ha thaw puræ wei ki bor sorkar leh da rai ki wow pynuiñ biang ki cha Bangladesh.
Na kini ki khynnah da chem leh ya i drugs.
Ini i chah pynchitom ki khynnah toh hadien wa mih i yachoh ha National Institute of Technology (NIT) Silchar ha ka 8 tarik uni u bnai hadien wa ki khynnah ka Third Year na Bangladesh da dat ki ya ki para khynnah na ka ri yong ki hi.
Kini ki san ngut ki khynnah toh kiwa da chongchit drugs ha ka sngi wa pynkulmar ki wei da rah ki ya ki naar rod, tari wa beskot wow dat ya ki para ri ki hadooh wa mynsoo.
Ya kiwa da mynsoo da kit cha Silchar Medical College and Hospital (SMCH) heiwa ar ngut da mynsoo ki na khlieh wei da booh ya ki ha ICU.
Ki bor ka thaw puræ da ong ki leh wa neidaw wa chah Suspend ki ar Semester (chi snem) kamtæ ym ye ki wow lai Class heiwa ym ye ki leh wow sah hapoh ka Campus wei daw pynuiñ (Deport) ya ki cha ka ri yong ki.
Discussion about this post