U Charge Sheet noh ya ki BSF wa thombor ya ka manyung ha Kuliang

U MLA ka Mawlai, u Brightstarwell Marbaniang, ynne da wanrah u ya ka phang yow kylli yeiwa jia ha chnong Kuliang iwa em ha East Jaiñtia Hills heiwa kawi ka manyung da chah thombor ko ha ki BSF heiwa kini ki BSF da maham ki wot wow thang ya ka Police Station lada ym pynlait ya ki BSF wa chah rah ha ki pulit.

Neiliang u Symbood Montri uwa man leh kam u Montri ka chnat Home (Police) da pyntip u wa ki pulit da pyndep ki yei takit wei daw Charge Sheet noh ha ka tayaaw wa nyngong u Naikhynde uni u snem.

U Prestone da pyntip u wa ya ka FIR da yoh na ka manbei wei da Register ya ka Case ha Khliehriat Women Police Station wei da pynngat ya ki BSF ha kiwa boon ki kyndon ka IPC deilang wa Section 7 wa 8 ka aiñ POCSO.

Ini toh iwa da jia hei miet ka 19-06-24 ha chnong Kuliang heiwa nyngkong heipor 11:30 i miet da wan 3 ngut ki BSF kiwa riam da ki sula yung kiwa da rah suloi wa ka wait heiwa da dat ki ya u Shanroi Lyngdoh wei da chah tba kti leh ka khon u kawa 15 snem deilang wa ka bei ko.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Hadien ini da wan biang ki BSF da kamwa 15 ngut heipor 12:30 i synyaaw heiwa da dat biang ki ya u Shanroi hadooh wa kheiñ i chyieñ chrooh u wei da knieh ki leh ya ka Mobile ka khon u.

U Prestone da ong u wa ka sorkar da sdang ko leh ya ka Coordination Committee deiwa emlang ki heh BSF, ki bor District kamjooh ki waheh chnong wei kini ki kaam kam kini da duna bha jia ki katni.