Ka Meghalaya Youth Tourism Development Society deilang wa ka Miss Meghalaya Organisation da pynbna ki wa ka Irene Dkhar, kawa dadep jop ya ka Miss Northeast, Miss Meghalaya wa Femina Miss India Meghalaya deilang wa ka Dr. Tanvi Marak, kawa manleh kawa dadep jop ya ka Miss Meghalaya, Miss Sunsilk Northeast wa Femina Miss India Meghalaya, daw lai chimbynta ha kawi na ki yakob miat kynthai yong ka ri, kawa tip kam ka Miss Grand India 2024.
Ka Miss Grand India toh kawa pynman da ka Glamanand Entertainment Pvt. Ltd., wei da man ko kawi na ki le tylli ki yakob Beauty Pageants wa heh dooh ha ri India.
Ka Grand Finale toh kawa daw pynman ha ka 11 tarik uni u bnai ha Zee Studio, Jaipur, Rajasthan heiwa kini ki ar ngut ki khyllood ka Meghalaya daw lai yakhun ki yow rah ya ka pangsnget yong ka Miss Grand India 2024.
Ka Meghalaya Youth Tourism Development Society wa Miss Meghalaya Organisation da pynsñiaw ki yei kyrmen wei da e pyn-eh-daw ki ya kini ki wow mihkhmat ya ka jylla, ka Irene Dkhar wa Dr. Tanvi Marak wow wanrah burom ki ya ka jylla wei yow yoh ki leh wow mihkhmat ya ka ri India ha ka rynsan yong ka pyrthai.
Discussion about this post