Ki wakreh ka Meghalaya Energy Corporation Ltd. (MeECL) wa kynthup ya ki Engineer, Officers, Regular wa Contractual Staff hapoh ka satri Coordination Committee Of Registered MeECL (Employees) Associations & Unions (CCORMAU), da pyntip ki wa waroh ki wakreh (Regular wa Contractual) ka MeECL daw chimbynta ki haka All India Protest haka 26 tarik uni u bnai katkam wa da pynbna da ka National Coordination Committee of Electricity Engineers and Employees (NCCoEEE) waka All India Power Engineers Federation (AIPEF) pyrchah yaka Electricity (Amendment) Bill, 2020 wa yaka Standard Bidding Document kawa da saam da ka sorkar pyrdi cha ki sorkar jylla, kiwa thmu wow e kti noh cha ki bru samen (Privatisation) yaka Electricity Distribution Companies (Discoms) ha waroh kawi ka ri.
Kamtæ da ong wa i leh ka sorkar pyrdi daw ktah ko ya kiwa chong chnong ka ri, kamtæ waroh ki wakreh wa yatoh wa i bordiñ wa kynthup lang yaki Trade Union ki seiñ ki warep da rai lang ki wow pyrchah yeini i leh ka sorkar deiwa pynman yakhih haka 26 tarik uni u bnai.
Heijooh i por ki wakreh ka MeECL leh daw pynyoo ki yei wym sñiawsuk neidaw wa pyndooh mynsien wei wym mih soh i rukom leh kiwa pynlai heiyatoh wa ki kaam poh yung kam i su yaka tulop, i wym su yaka Medical Reimbursement, ROP 2015 Arrears, Arrear DA, Arrear EA, i kreh Overtime, TA, Transfer Grant, ki kaam wa yatoh waka Pension, i pynyoh ram da ka MeECL, i pynman noh kam ki wakreh wa pura yaki wakreh Contractual wa kiwi kiwi iwa da wanrah yei eh wa boon ya ki wakreh.
Kani ka yakhih u man ko kawa jai jai ka wym ktah yei kreh heiwa waroh ki kaam wa yatoh wa iwa emkaam ki paidbah ym thut i wei u pteiñ i kamwa jooh. Kani ka pyrchah daw pynman leh deiwa deiñ ya ki Black Badge, i chong kyllaiñ mynngor i kbai pyrchah heipor i por baam ja wei wow wah yaki Placard wa Banner ha waroh ki yung krehkaam wa ki Station ha waroh ka jylla.
