U chimkti u Most Rev. Victor Lyngdoh kam u Bishop ka Diocese Jowai

Jowai : Ha ka khubor wa da phah da u  Vicar General ka Jylla niam (Diocese) Jowai, Rev. Phadar Hilarius Lamare, da ong u wa hadien wa da khlad u Most Rev. Bishop Vincent Kympat, D.D., ha u snem 2011, kani ka chuki da sah thylli ko wei ya ki kam yong ka Balang hapoh ka Jowai Diocese da pyllai chipor da u Diocesan Administrator, Phadar Hilarius Lamare neitæ da u Apostolic Administrator , Archbishop Most Rev.Thomas Menemparampil SDB.DD.

Ya kani ka chuki Bishop wa thylli, ka Khet wa khooid na Rome (Vatican), u Pope Francis da pynbna u wa ya katai ka chuki wa thylli u chimkti noh da u Most Rev. Victor Lyngdoh, d.d kam u Bishop uwa ar ka jylla niam (Diocese) Jowai.

Ya ini i wan chimkti ya kani i wan chimkti u pynskem wei wow ekti da u Most Rev. Dominic Jala, SDB.DD Archbishop ka Jyllaniam bah (Archdiocese) Shillong ha kani ka 20 tarik uni u bnai, ha St. Theresa Cathedral Marianhill Jowai, heiwow em i  kñia Mass wakhooid heipor 10 waje i step.

Da khut sñiawbha ya waroh khamtam ya ki parawangait ka jylla niam (Diocese) Jowai wow wan sakhi yei chimkti u Bishop Most. Rev. Victor Lyngdoh, D.D, kam u Bishop uwa ar ka jylla niam (Diocese) Jowai.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kam wow pynkynmoo u Bishop Victor  da chah pynkyntang u chirup wa u Bishop Bishop (Late) Vincent Kympat, wei da chakri u ya ka jylla niam (Diocese) Nongstoin 11 snem (2011-2016).