Uwa yahkhmat ka Liang Pyrchah, u Dr. Mukul Sangma da ong u wa u Montri Rangbah ka jylla, u Conrad K Sangma toh u em u yei sñiaw kitkhlieh hajrong iwa jia ha Thangskoo, East Jaiñtia Hills deiwa hiar chuki noh.
Hawa klam ynne ka sngi, u Dr. Mukul da ong u wa ym em mut wa du neidaw wa boon paid ki MLA tæ u dam u hiar chuki tangwa toh u em u yei kitkhlieh heiyatoh wa ini wa jia iwa da pynbood naam ya ka jylla Meghalaya ha ka pyrthai. Deiwa ong wa ini wa jia ha Thangskoo da pynman ko ya ki bru kiwa na baar wow pyrkhat sih ya ki bru ka Meghalaya.
Heijooh i por, u Dr. Mukul da pynsñiaw u yei wym ye u chaniah yei thung takit ka sorkar jylla neibhah wa toh da ki bru kiwa pynlai hi ya ka sorkar jylla wei iwa mih ym man ko iwa khooid. Da dawa u wa emkaam ya ka sorkar India wow tuklar yeini i kaam wei wow takit da kiwa man laitlooid khnang yow sai madan wei yow mih lut iwa jia sakhiat yow tip ki paidbah hajrong ki kaam tih mooyong pyrchah aiñ.
Da pynbaad u leh ya ki bru kiwa em hei bor kiwa kyllaiñ jelebi ya ini i kaam deiwa pynyakhleh ya kiwa jia nadooh nachwa hadooh kattæ khnang wow pynsuki yei bichaar hok wei heijooh i por yow pynyoh laad ya kiwa em hei bor wow kamai spah da ka luti wa man pyrchah aiñ.
Da maham u wa katwa dang em kini ki bru kiwa em haka sorkar, i tih mooyong pyrchah aiñ wa ki kaam pyrchaha aiñ wow kamai spah daw nang joor haka jylla.
Discussion about this post