U dai lilam noh ka sorkar ya u mooyong wa da kem ha West Jaiñtia Hills

Kam chibynta wow bood ya ki kyndon wa da booh da ka National Green Tribunal (NGT) Committee, neiliang u Deputy Commissioner ka West Jaiñtia Hills da pyntip u wa u dai lilam noh ya u mooyong wa da yoh u kem wa em ha Phramer Traffic Cell, Phramer, ha Police Reserve, Jowai, ha Khlookynring wa ha kiwa boon ki bynta ka Shkentalang.

Kamtæ da pyntip cha waroh kitu kiwa kwah u thied ya uni u mooyong wa em ha kitai ki thaw wa da kdaw; wa ye ki wow phah katwon ye dor ki namo ka Bid yong ki deiwa thoh ha ka kot sada deiwa toh che katwon i dor (Words & Numbers) deiwa booh hapoh ka Envelope wei wow pynpoi chwa ka 31-07-23 wei chwa ka 3:00 waje i sngi cha yung krehkaam u DC, Jowai.

Yei pyrtuid, i thaw sah waka ID Card kiwa da wan thong yow thied ya uni u mooyong toh u e lang waka Bid yong ki.

Daw hap e leh T. 10,000 kam ka Earnest Money hei dur ka Call Deposit kawa da chna hei pyrtuid u Deputy Commissioner, West Jaiñtia Hills District deilang wa ka Bid yong ki. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Uwa jop ya kani ka dai lilam, chwa u kit ya u mooyong hap u wow su chwa ya ka poisa lyngba ka Treasury Challan hapoh 24 kynta chwa wow e bor yow kit ya u mooyong.

Uwa thied ya uni u mooyong daw hap u leh wow su ya ka Royalty waka Sales Tax cha ka sorkar katkam ka hukum ka NGT waka Supreme Court wei khlem su yeini ym chah wow kit ya u mooyong.

I bai kit ya u mooyong nei thaw wa booh ya oo daw pynlut da uwa da yoh u thied ya uni u mooyong hi.

I rukom em u mooyong wa kiwi wa emkaam u tip man ki kamni ha wah: