U daiñ kuna ka MoRTH ya ki Contractor hadooh Rs. 50 lak lada jia tyrrah kari

Ka Ministry of Road Transport and Highways (MoRTH) ka sorkar pyrdi da rai ko wow daiñ kuna ya ki Contractor lada em i tyrrah kari ha u sarokbah wa chna hapoh ka Build-Operate-Transfer (BOT) Model.

Neiliang u V. Umashankar uwa man u Secretary ka Road Transport and Highways, da e nongmuna u deiwa ong wa lada jia i ya tyrrah kari ha i jooh i bynta wa 500 meter u sarok, u Contractor daw hap su kuna u Rs. 25 lak wei lada jia biang i tyrrah ha i jooh i bynta daw pynku cha Rs. 50 lak ka kuna.

Ka Ministry da ong ko wa ka soskular BOT daw pynman ko ya ki Contractor wow bahkhlieh hajrong i chngaaiñ wei chna pynmiat ya ki sarok.

Hapoh ki kyndon wa thymme, ki Contractor daw emkaam ki wow pynman ya ki Safety Audit, wow pait ya ki thaw wa synjor khnang wow leh yeiwa emkaam wow lait nei tyrrah kari wei hap ki wow pait ya u sarok 15 hadooh 20 snem hapoh ka Build-Operate-Transfer (BOT) katwa neibynta won ki Hybrid Annuity Model (HAM) won man ko 15 snem.

Related posts

Chah ieh iwi i khonboo wa dang dep kha ha ka Gate ka Ganesh Das Hospital

April 8, 2026

Kyntu u Kyrmen Shylla wow chah u tih mooyong kam nachwa deiwa pynkylla ya ka SOP

April 8, 2026

Ka Ministry da tipmit ko leh ya palat 3,500 tylli ki thaw kam ki Accident Prone Spot ha kylleiñ ka ri khnang wow paitbniah wei wow pynchna ki.