U SP ka East Khasi Hills District da pyntip paidbah u wa katni em boon ki tre kari nadooh ki ar chaka wa ki soo chaka kiwa hadien wa dep thied ya ki kari da pyndait won da ki thaw mih tdem namo ki Exhaust Pipe kiwa ood sur bha iwa da wanrah yei thut i chongsuk, i chngaaiñ ki paidbah nadooh ki khynnah hadooh kiwa da tymmen khamtam heipor miet iwa man leh pyrchah ya ka aiñ Motor Vehicle Act.
Heiyatoh wa ini, neiliang ka Shillong Traffic Police (STP) da kyrpaad ko ya ki tre kari kiwa pyndait ya kini ki jait Exhaust Pipe wow sñiawbha u kylliang biang da uwa em heipor wa thied thymme ya ka kari.
Neiliang ka Shillong Traffic Police (STP) daw pynman ko ya ki pynsñiawthooh paidbah hajrong ini hadooh ka 30 tarik uni u bnai wei ya kiwa leh pyrchah daw chah daiñ kuna ki hapoh ka kyndon Section 182-A4 ka Motor Vehicle (Amendment) Act, 2019 iwa man T. 5000 kut sien wa chem wa leh pyrchah ki wei kamjooh deiwa kem ya ka kari.
