Ka yung krehkaam u SP ka West Jaiñtia Hills da pyntip u wa ka District da maad ko yei sahkut kari dei langær khamtam ha thaaiñ Wahmynsoo wa Mookyndur neidaw wa sih ki kari wa kit mar wei i rukom yah kari wa khlem da kitkhlieh da kiwa yah ya ki kari khian ki wym bood ya ki kyndon yah kari deiwa neh hei liang yong ki heiwa da yaknieh bait ki wow lai chakhmat da pynsahkut trait hadooh wym lait u lai cheiwon cheiwon.
Ini da wanrah ko yei pynslem chooh chooh wow pynlait yei sahkut da ki kynta iwa da ktah ya ki paidbah wa lai wa wan khamtam kitu kiwa yabeh wow lai cha ki thaw sumaar.
Kamtæ u SP da kyntu u ya waroh kiwa yah kari wow bood ki thij deiwa yah kari hei liang u sarok wa toh u lai ki wei kamjooh wow ya krehlang wa ki pulit wa pynlai kari ha kam kitu ki por yow ye u pynlait smat yei sahkut.
Chooh chooh da ong wa kitu kiwa leh pyrchah deiwa lai chei liang u sarok wym toh i yong ki daw chah daiñ kuna ki.
Da yooluti yei krehlang ki paidbah yow yoh yei lai i wan iwa khlem thut.
Discussion about this post