Hadien wa ka JHADC da wanrah ko ya ka Bill wow phiah ya ki MDC Constituency kawa tip kam ka “The Jaiñtia Hills Autonomous District (Constitution of District Council) (Amendment) Bill, 2024″, ynnin ka sngi; neiliang ka chnong Umjalisiaw da pynsñiaw ko yei pyrchah wa da pynhaap ya ka chnong hapoh ka 11-Shilliang Myntang kawa jooh em hapoh ka 10-Mynsngat-Khanduli.
Neiliang ka chnong hapoh i yahkhmat u Waheh Chnong, u Knerlang Siangshai, u Secretary Chnong, u Kyrshan Dkhar da pynman ki ya ka Dorbar Pyllun ynne ka sngi heiwa ki paidbah ka chnong da mynjur ki da iwi i sur wow pyrchah yeini wa da thmu ka JHADC wow pynhaap noh ya ka chnong Umjalisiaw hapoh ka 11-Shilliang Myntang Constituency.
Ka chnong da ong ko wym hun ko yeini wa rai ka JHADC neidaw wa jngai luti hadooh 60 Km ya ki wei kam ka chnong da rai ki leh wa lada ka sorkar ym ap ko yeini wa da kyrpaad ki, ym lai chimbynta ki ha ka thap Vote ka Election MDC.
Da ong leh ini wa leh toh kamwa leh yabor neibhah da leh klem da ya syllok waka chnong wei u khang khyrdep ki leh ya ka Polling Station.
Discussion about this post