U President ka Hynniewtrep National Youth Front (HNYF), u Sadon Blah da ong u wa ka seiñ daw yang chwa ko yei takit wei lada chem wa u Tarson Lymba ym emkti u wow tympdung Bomb IED (Improvised Explosive Device), ka seiñ ym suki ko yei leh ki pulit neibhah da pyntyrha ki man-i-por.
Neiliang kiwa yahkhmat ka HNYF da lai yachem ki wa u Superintendent of Police ka East Khasi Hills ynne ka sngi yow kylli yei kem ya u Tarson uwa man leh kam u Disciplinary Secretary ka seiñ hei miet ka 10 tarik.
U Sadon da khana u wa neiliang u SP da pyntip u wa i kem toh hadien wa chem kse wa emkti u wow tympdung Bomb ha Them Metor ka Them Ïewmawlong hei miet ka 9 tarik. Tangwa neiliang u Sadon da ong u wa ka seiñ ym ye ko wow pdiang yei pynbaad ki pulit wa u Tarson emkti u ya kam itai i kaam neibhah wa man u u bru uwa da heh bru wei uwa jai jai bha.
Da khana u wa u Tarson toh uwa da embynta hei yaklam yasuk neibhah da emlang u nadooh wow lai thooh ya kiwa yahkhmat ka HNLC kiwa wan yaklam yasuk wei heijooh i por u heh ka HNYF da pdiang u wa ka seiñ emyatoh ko ki dkhot ka HNLC, tangwa iwa emyatoh toh hajrong kiwi won ki bynta ymtoh yow pyntyllung yei kaam yong ka HNLC.
Discussion about this post