Jowai: U General Secretary ka BJP wa pait ya ki Scheduled Tribe & Scheduled Caste u Hayithung Bill hadien wa ong u montri rangbah ka jylla, u Dr. Mukul Sangma wa ka BJP ym jop ko wot tang ha kawi wot leh ka seat, u Lotha da ong u wa itæ man i iwa danda bha neibhah wa u Dr. Mukul ymtip de u ya ki kaam saiñ hima hapoh ka jylla.
Da ong u wa u Dr. Mukul neidaw wa man u uwa synchaar embor samen namo u Dictator wa uwa pyllut phut ymye de u wow kreh ha ki kaam saiñ hima wei ka BJP hi wow synchaar hapoh ka jylla Meghalaya wei ka BJP ha kani ka kynti ka wow sah khana parom u yoh ko u thung montri rangbah da u yong ka u bru hapoh Meghalaya.
Hei yatoh wa i yabhah poisa katkam wa man katni 50% na ka jylla katwa 50 nawon na ka sorkar pyrdi, u Lotha da ong u wa manda yahkhmat ka BJP ya ka sorkar synrop hapoh ka jylla daw chong pyrkhat yeini wei iwa boon hi daw lai i cha ka jylla Meghalaya.
U P. Passah uwa man leh kam u General Secretary yong ka da ong u wa manda poi ka sorkar ka BJP hapoh Meghalaya, ka jylla hi daw ye ko u kyntu kynrong ya ka yarong poisa yong ka pyn daka hi.
U Lotha da pynbna u leh wa na ki 330 tylli ki Booth wa em hapoh ka ri-loom Jaiñtia ka BJP dadep seiñ ko ya ki Booth Committee ha waroh hiwot kini ki Polling Booth heiwa daw jop ko leh ha waroh ki 7 constituency ka Jaiñtia Hills.
Heijooh i por da pyntip u leh wa ha kani ka 13 tarik daw em ka yalang bah yong kini ki Booth Committee ha Jowai heiwa daw em hadooh 5000 ngut ki dkot ki wow wan cha ka.
Discussion about this post