U e kti ka Botswana 8 tylli ki Cheetah ya ka India

Ka ri Botswana ynnin ka sngi da e kti ko ya 8 tylli ki Cheetah ya ka India heipor wa lai ka President Droupadi Murmu cha katai ka ri ha Africa wei ya ini i e kti da pynman ha Mokolodi Nature Reserve hei emlang u President katai ka ri, u Duma Gideon Boko.

Neiliang ka Droupadi da ong ko wa kani man ko u moomær hapydi ka India wa Botswana wow pynneh ya ki talawiar ka mariang ha Mokolodi Nature Reserve. Ka President Droupadi Murmu wa u President Duma Gideon Boko da sakhi ki yei pynlait ya ki Cheetah ha chnong Ghanzi.

Kini ki Cheetah wa kynthup ya ki le tylli kiwa da heh da wanrah ya ki na Ghanzi cha Kalahari Desert.

Ka Droupadi da ong ko wa kini ki Cheetah u pynlait ya ki ha Kuno National Park ha Madhya Pradesh hapoh ka Project Cheetah kam chibynta ka thong wow wanrah biang ya kini ki khla ha i thaw wa jooh em ki ha Inida. 

Related posts

Kyntu u Jamshaphrang wow yarap poisa ka JHADC ya ki Dolloi

March 20, 2026

Iwa jia ha Garo Hills toh nei joor thiang thylliej ka sorkar | I pyndam Election toh wa tieñ ya rem: Vincent

March 20, 2026

Neiliang u President Boko da ong u wa ka Botswana smat ko wow yarap ya ka India wow pynroi ya ki Cheetah.

Ya kini ki Cheetah daw kset chwa kam wow leh Quarantine ya ki ha Botswana chwa wow e kti ya ki cha India ha ki tayaaw wow wan.

Ka India da sdang ko wow wanrah ya ki Cheetah chapoh ka ri nadooh u 2022 na Namibia, neitæ na South Africa ha u 2023, heiwa kini ki khla da kha-roi ki hapoh ka ri.