Ka sorkar Meghalaya ha ka yalang yong ki Montri sorkar namo ka Cabinet Meeting ynne da rai ko wow wyrai yei snem kitu kiwa da yaleh kreh kiwa da heh rta kiwa em hapoh ka chnat Textile yow ye ki u yaleh Exam.
U Montri Rangbah, u Conrad K Sangma da pynche u wa nadooh u snem 2015 ym em de u thung kreh næ pynman ya kawon kawon ka jait Exam hapoh ka chnat Textile. Wei da em kiwa boon kiwa kreh kiwa da su ya ki da ka Stipend ka sorkar Meghalaya.
Da ong u leh wa da em boon kitu kiwa da chimbynta ha kiwa boon ki jait chah sikai wei da em leh kiwa pyndep ya kini ki sikai wei da toh leh wow thung kreh ki wei da dawa ki leh wow thung bait ya ki kam kiwa krehkaam wa pura ka sorkar wei yow leh yeini da hap wow leh ya boon jait wei na ini i daw nadooh u snem 2015 hadooh katni tang uwi na kini ym ye wow thung kreh ki neidaw wym tip che wa lada hoi u thung kreh ki khlem da pynman Exam wei ini i kaam da sahteiñ i kattu da boon snem.
Kamtæ da ong u wa da em 196 ngut kiwa kreh heini nadooh u snem 2015 tangwa 115 ngut ym ye ki wow yaleh Exam neidaw wa da heh rta ki namo da man Over Age ki wei ini chisien ka sorkar da rai ko wow maap yeini wei u chah leh ya kini kiwa da heh rta wow yaleh Exam ki.
Discussion about this post