Ka sorkar Meghalaya da pyntip ko wa da dep ko wow su cha ki Company wa pynmih dawai yada COVID-19 neibynta 40,000 sien e ya ini i dawai kiwa daw poi chapoh ka jylla ha kini ki kajiak sngi wow wan.
I dor ini i dawai tika wa thied man i T. 300 iwi wei ka sorkar Meghalaya da rai ko wow e mynkna ya ini i tika cha kiwa toh u yoh myntoi.
I e dawai tika ha Meghalaya hadooh ynne ka sngi da dep wow e la 3,14,719 sien, heiwa ynne ka sngi da e 6,910 sien wei waroh kiwa da yoh yei tika la arsien da em ki 63,081 ngut.
Heiyatoh wa ki mar wa emkaam namo ki Essential Commodities da pyntip wa man ki kiwa biang wa dap.
Da e khublei leh ya ka sorkar India kawa da pynlait ya u khoo rachon mynkna hapoh ka PMGKAY neibynta u bnai May wa u June wei i kit ya uni u khoo u sdang i ha uni u bnai hi.
