U e poisa ka Hima Mylliem ya kiwa yada yei khooid ka Iewduh

Shillong: Ka Hima Mylliem chirup wa ka Khasi Hills Autonomous District Council wa ka Meghalaya State Pollution Control Board (MSPCB) da chim ki ya ka rai wa khor wow pynman ya ka Iewduh kawa khooid wa emnaam kam ki por nachwa.

Neiliang ka Hima Mylliem da khut ko ya ka yalang paidbah yong waroh kiwa chong chnong ha Madan Student, Jaiaw wa kynthup ya ki Khasi wa ki dkhar wow pynsñiawthooh ya ki wa kammon u pynman ya kani ka thaw kawa khooid.

Hawa klam ha kani ka yalang neiliang u EM ka KHADC, u Latiplang Kharkongor da ong u wa kani man ko i sdang wow wanrah biang yei khooid i jngiar ka Iewduh wei da kyntu u ya ki tre dukan wa kiwa chong dukan wow kiar ki nei noh jhep khiar neibhah wa katni ka Iewduh man ko kawi na ki yaaw wa tngit dooh.

Hawa klam ha kani ka yalang, u Environmental Engineer ka MSPCB, u Wanshan Kharkrang da maham u wa lada ki paidbah khamtam kiwa chong yaaw ym mano ki yeini, daw poi i por wa daw haap joo umkhmat kthang ki lada wan ka National Green Tribunal (NGT), kamwa man ka kaam tih mooyong ha kani ka jylla.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da ong u wa ka MSPCB ka da mana pyrchah ko katkam ka aiñ wow dai plastik kiwa palat 50 micron i rben wei kiwa dai plastik toh u register ki ha ka Board chirrup wa ka yungkrehkaam ka yong u Syiem Mylliem wei ym chah de wow dai plastic da ki wympu register.

“Kiwa dai plastik toh u register ki ya ki dukan yong ki wei kiwa tyngkheiñ ya ka aiñ, daw chah daiñ kuna ki T.1 lak namo deiwa chah kset hadooh ynru bnai”, da ong u Kharkrang.

Da ong leh wa ka Board daw pynman ko yei lai sylli i takit dei langær ya ki dukan wei lada chem deiwi tawon daw chah pynchitom kiwa chong dukan chirrup wa ki tre dukan.

U Kharkhrang da ong u wa i pynkhooid ya ki jhep toh u bahkhlieh kiwa pynmih jhep heiwa i kaamram yong ki toh wow pynyait yeiwa pyut na iwa ym pyut.

Katwa u Syiem ka Hima Mylliem, u Ricky Nelson Syiem da ong u wa i thmu ka yalang toh wow yakrehlang wow pynman ya ka Iewduh kawa khooid.

Da ong u leh wa lada em ki bru kiwa pyntip chaphang i noh khiar ya ki jhep, ka Hima daw e burom ko mar chiteiñ naka bai kuna kawa T. 8000.