Hadien wa em 3 ngut kiwa yoh COVID-19 da yut ki na Quarantine Centre yong ki heiwa da yoh biang wow kem ya ki hei miet ha Laitumkhrah, Shillong; neiliang u symbood montri rangbah ka jylla u Prestone Tynsong da ong u wa da phah ya ka chnat i chait i khiah wow e sumaar ko leh yei bor pyrkhat pyrdaiñ kini ki bru kiwa yoh ya uni u khñiang.
U Prestone da ong u wa hap wow sñiawthooh wa kitu kiwa yoh COVID-19 hap ki wow em hapoh Hospital lane chong kset hapoh yung ym duna ya 10 sngi wei lada mih cha lait hapoh 5-6 sngi, u khñiang dang man u uwa im kamtæ kini ki bru daw pynpoor ki ya uni u khñiang cha kiwi nadooh ki lok, ki jor wa kiwa hayung-hasem.
Kamtæ da ong u wa hawa sumaar ya kiwa yoh COVID-19 emkaam leh u pyrkhat yei long i man i pyrkhat pyrdaiñ yong ki kamtæ i sumaar toh u man i ym du yei doh i pran kamjooh leh ya chait i bor pyrkhat pyrdaiñ namo ka Mental Health neidaw wa em na kiwa yoh ya uni u khñiang man ki kiwa diaw mynsien wa kiwa sñiawsih.
