Neiliang u symbood montri rangbah ka jylla u Prestone Tynsong da pyntip u ynne ka sngi wa deiwa pyrkhat ya kitu ki manyung mansem kiwa em kiwa yoh COVID-19 wei kiwa da pynbna ka sorkar yow pynman kam ki Micro Containment iwa mut wa hap ki wow chongkset ha yung, neiliang ka sorkar da chim ko ya ka rai wow e biang cha ki da ki yarap da ki yusong marbaam kiwa tip kam ki Provision Essential Kit kamwa da leh ynnin u snem wei ya ini daw pynpoi cha kawi pa kawi ka manyung kiwa kam kini.
Da ong u leh wa ya ini da leh hadien wa ku kiwa yoh ya uni u khñiang hapoh ka jylla wei i e yarap toh ya ki manyung nadooh kitu kiwa em uwi lane boon ngut kiwa yoh COVID-19.
Da ong u leh wa kini kiwa hap wow chong ha yung toh kitu ki wym emkaam wow lai phah sumaar cha ki Hospital kamjooh ki wym emkaam wow booh hapoh ki ICU.
Ya ini i rai da pyntip u wa da chim da ka sorkar ynne ka sngi ha ka Review Meeting kawa da khlieh da u montri rangbah ka jylla.
Ya ini da ekti ha ki DC wow leh ki katwa ye ki.
