U Sniawbhalang Dhar, Montri ka chnat Tourism kamjooh u MLA ka Nartiang hawa yaroh yei skem ka sorkar MDA hapoh i yahkhmat u Conrad Sangma kam u Montri Rangbah, da ong u wa heipor wa em hapoh ka Congress em ki 29 ngut tangwa man ka 3 bnai 4 bnai da haap bait ka sorkar wa yaknieh chuki man ka tayaw tangwa katni won em 7 tylli ki seiñ hapoh ka sorkar MDA ym jooh em kyllooh ka sorkar.
Da ong u wa ka MDA hakhmat dooh toh yow pynskem ym toh wow yaknieh bor wei yeini u ye u leh du deiwa yoh da u Montri Rangbah wa biang.
Da kynmoo u yeiwa chna sorkar ha u 2018 heiwa ka liang pyrchah da ong ko wa kani toh ka “Adhoc Government” kawa daw haap pyn-mynstep tangwa katni da neh ko hadooh 5 snem.
Da ong u leh wa kiwa beiñ NPP leh em, kiwa beiñ UDP leh em tangwa kiwa psiah Party won man ka kynta, kamtæ da ong u wa hadooh u Hamlet Dohling uwa man kam u Montri sorkar naka PDF leh daw man u kam u kyrtong ka NPP wei daw man u leh kam u Montri ka NPP.
Hawa kylli yeini na u Hamlet da kyntait u wow ong iyi iyi leh.
Ya ini da klam u Sniawbhalang ha ka yalang booh mooyurim yow chna thymme ya ka yung krehkaam u BDO ka Thadlaskein wa u mooyurim yow chna ya ka Hospitality Complex ha Thadlaskein.
