Ynne ka sngi, u President ka seiñ kiwa kamai kari ha Jowai, u Humbert Passah da pyntip u wa ki kari kamai (Taxi) u kamai biang ki kamwa jooh nadooh mynstep ka 10 tarik.
Da ong u wa ka seiñ da rai ko wow sdang kamai biang hadien wa yohbor na ki bor ka District heiwa nadooh mynstep u sdang kamai biang katkam ka sngi wa ka pali namo ka Odd/Even Number kamwa da leh ha i por wa dadep.
Heijooh i por da kyntu ya kiwa yah ya ki kari wow sap ki ya ki Mask wei wow booh ki ya ki Mask kamjooh i Sanitizer hapoh ka kari.
Heiyatoh wa ki bru wow chong hapoh kari won da chah wow chong 5 ngut wa uwa yah iwa mut 4 ngut ki bru wa uwi uwa yah.
