Ka seiñ KSU-West Jaiñtia Hills District Unit hadien i mih khubor wa mih ka seiñ kieñ suloi ki Karbi wa tip kam ka United Peoples Front of Karbi Longri (UPFKL) kiwa da thmu wow pyntieñ pynsmiej ya ki Pnar kiwa chong wa sah ha ki thaw ki bhaw wa em ha Block-I.
Kamtæ neiliang ka seiñ da phah ko ya kani ka Wyrta cha ki paradoh parasnaam kiwa em ha kitai ki thaw wa ya waroh kiwa chong wa sah markhap wa ka Assam wa ymtoh u tieñ u syier ki wei ka seiñ man ko kawa smat wow e jubab ya kini ki seiñ kiwa da thmu wow wanrah yei pyntieñ wei wow yoohbeiñ yei hok ka kynti ki jaitbru yong i kiwa em ha Block-I.
Ka seiñ da kyntu ko ya ki paradoh parasnaam wow lai wow yieñ ki kamwa jooh hi waroh chi kattu wei wow kamai kajih laitlooid hei yong i hi i khyndaw.
Ka seiñ da maham ko leh ya ka UPFKL wa lada kwah ko wow ya tyngkhooh wa ka seiñ, ka seiñ da man ko kawa da pynkhreh wow ya mih ha madan thma lada jia iyi iyi ya ki doh ki snaam ki yong i kiwa chong ha kitai ki thaw wei ka sorkar Assam wa ka sorkar Meghalaya toh u chim ka yei kitkhlieh.
Puræ leh: Syier mynsien ki Pnar ha Block-I wa mih thymme ka seiñ kieñ suloi ki Karbi
Discussion about this post