U khang bait ya ka Toll Plaza kat wym pu dep u pynchna ya u sarok NH6

Ynne ka sngi neiliang ka KSU Narpuh Circle, ki waheh chnong ka Elaka Narpuh deilang wa i synraan lang ka Association yong kiwa kamai Sumo Kalaiñ Badarpur, ka seiñ khynroo ka chnong Umkiang, ka Limestone Supplier Association Lumshnong wa ka seiñ kynthai ka Umkiang wa da wan mihkhmat da ka Dewi Tongper deiwa emlang ki spah ngut ki paidbah kynthai wa chynrang da pynman ki ya ka yakhih ha Toll Plaza Lumshnong wa em ha u sarok NH6.

Ki paidbah da yalang ki deilang i rah ya ki Placard wa thoh ya ki kyntien beiñ ya ka NHAI waka sorkar jylla kiwa da leh mutlop wei leh khlot yei dawa pynchna ya uni u sarok heiwa ki paidbah da khang khyrdep ki leh ya kani ka Toll Plaza ka NHAI wei da rai leh wow man ko kawa khang kat wym pu dep u pynchna ya uni u sarok 60-70%.

Ki bor District da wan ki wow pyrchang wow kyrriah ya ki paidbah deiwa kyntu wow pyndam noh yei yakhih, tangwa ka seiñ wa ki paidbah da pyn-eh bait ki.

Related posts

Kyntu u Sanbor wow jied MP na ka BJP wow chimkhia ka Sorkar Pyrdi yei dawa ILP wa ktien Khasi

April 8, 2026

Yachem u Conrad wa u Kiren Rijiju hajrong i thmu pynkylla ya ka aiñ FCR Act

April 8, 2026

Da wan leh chakhmat wow yaklam da ki bor wa pait yong ka NHAI kiwa da kular u sdang noh yei pynchna ya u sarok.

Hawa kut da rai skem hi wow khang bait ya kani ka Toll Plaza kat wym pu dep u pynchna ya u surok.