Ka Bethany Hospital wa em ha Shillong, Nongpoh, Umsning wa Byrnihat daw khang ko ya ki Outpatient Department (OPD) yong ka ha waroh kini ki thaw wa em kani ka Hospital ha ka 17 tarik uni u bnai kam chibynta wow pynyoo yei yatylli wei krehlang wa kiwi kiwa em hei sumaar sukhær ha waroh ka ri India hadien iwa jia ha Kolkata.
Ini i rai man ko leh kam chibynta wow krehlang waka Indian Medical Association (IMA) kawa da khut wow khang ya ki thaw sumaar ha waroh kawi ka ri kam chibynta wow dawa wow e yada yow man chngaaiñ ki thaw kreh wei wow burom leh ya kiwa em ha ki kaam sumaar sukhær.
Najrong wa khang ya ki OPD, daw pynman leh yei thang mombati heipor 6:00 waje i janmiet ha Shillong wa Nongpoh.
Tangwa da pyntip wa ki kaam wow e sumaar jhan toh kiwa daw wai kamwa jooh hi yow lait u chah ktah ki paidbah.
Kam wow kdaw heini wa kawi ka Doctor da chah slaitbor wei chah tynyap ko ha RG Kar Medical College ha ka 9 tarik heiwa ynnin ka 15 tarik da wan da ki spah ngut ki bru cha kani ka Medical College wow leh pynsih ya kani ka thaw.
Discussion about this post