Na ki daw wa pynman ya ka War Jaiñtia Presbytery, nadooh ka 7 hadooh ka 9 tarik u Thohlakhmi (Feb) 2020 ha Shnongpdeng, kamtæ ka Executive Committee yong ka Dorbar Chnong Shnongpdeng, da phah ko ya ka chnat chang pyrthai yong ka chnong ka Shnongpdeng Tourism Development Society wow khang ya ka kaam chang pyrthai hapoh ka chnong, nadooh i por 4 waje noh chariñ yong ka 8 tarik hadooh ka 9 tarik.
Da pyntip chooh chooh wa ki kari kiwa psiah cha Shnongpdeng, ha ka 8 wa 9 tarik toh du ya kiwa wan wow lai yaseiñ wei u pynyieñ ya ki ha ka thaw booh kari ha Shnongpdeng.
Ki kari ki wym toh wa wan yaseiñ daw hap ki wow kyrriah neibynta 31 kynta, kawa man nadooh 4 waje i janmiet yong ka 8 tarik hadooh ka 11 waje i miet yong ka 9 tarik.
Waroh ki thaw pynyieñ kari ha Shnongpdeng da dep mang neibynta ki kari kiwa lai cha ka yaseiñ yong ka War Jaiñtia Presbytery ha kitai ki sngi haneiñ, ong ka kyrwoh khubor na u Lurman B Talang, General Secretary, Dorbar Chnong Shnongpdeng.
Discussion about this post