I yang yooluti ki paidbah khamtam ka chnong Mawmluh waka thaaiñ Sohra wow pynkhai im biang ya ka karkhana Mawmluh Cherra Cement Limited (MCCL) da kut syndon neibhah wa ka sorkar u khang khyrdep noh ko ka.
U Montri Rangbah ka jylla, u Conrad K Sangma ynne ka sngi da ong u wa ka sorkar daw e khublei kti khaddooh noh ya kiwa kreh ka MCCL deiwa e da ka Scheme Golden Handshake heiwa ka sorkar u su ko ya waroh kiwa kreh ryngkat ka Scheme kyrpang khnang wow khang noh ya kani ka karkhana hadien wa ka sorkar da lut ki buit ki laad wow pynkhai im biang ya ka.
Tangwa ya kani ka rai daw chim wei daw rai kut ym slem de neibhah katni dang lai i pynkhreh.
Da ong u wa ka sorkar jylla da pynlut ko hadooh Rs. 300 klur ha kini ki 15 snem yow pynkai im ya ka MCCL tangwa khlem da mankaam. Da pyrchang leh wow khut ya ki Company na baar yow chimkti yow pynlai tangwa ini leh ym mankaam i wei hajrong kani ka yurim ka sorkar da hap ko wow chim ya ka rai wow khang noh syndon.
Ka MCCL da em ko kamwa 57 snem nadooh wa da seiñ ka heipor ka sorkar Assam wei katni i tympra ya ki tiar warim yong kani ka karkhana da lai ki chaaid chaaid.
Discussion about this post