Hadien kamwa 30 snem wa da pyrchang ka Ford Motor Company wow yoh nong ha India kawa man leh kawi na ki Company pynmih kari wa heh dooh na USA, da pynbna ko ynne ka sngi wow dam noh ko wow pynmih kari na ki artylli ki karkhana yong ka wa em hapoh ka ri wei daw dai noh ko du ki kari wa wanrah ko na baar ri donhi.
Ka Ford da pynlut ko hadooh $ 2.5 Billon ya ka karkhana wa em ha Chennai, Tamil Nadu wa ha Sanand, Gujarat tangwa ha kini ki 10 snem da dooh nong ko kamwa $ 2 Billion. Ini i rai wow khang daw ktah ko ya kamwa 4,000 ngut ki wakreh wa 150 tylli ki Dealership kiwa dai kari ha ki 300 tylli ki thaw.
Tangwa daw pteiñ ko wow chna ya ki Engine kari na ka karkhana wa em ha Sanand Plant kiwa daw phah cha kiwi ki karkhana wa em cha kiwi ki ri hadooh wa kut uni u snem katwa ha Chennai daw khang noh ha chiteiñ u snem 2022.
Ini da mut wa daw dam noh ki wow dai yaki kari kam ka EcoSport, Figo, Endeavour, Freestyle wa ka Aspire kiwa da chna ha kini ki karkhana.
