Ka sorkar jylla ye ko wow khut ya ka Harijan Panchayat Committee (HPC) ha ka tayaaw wow wan neibynta wow pynbait wei yaklam hajrong ka Blueprint wa ka sorkar da pynkhreh ko neibynta wow kyrriah ya ki bru kiwa chong wa sah ha Them Metor, Them Ïewmawlong.
U Deputy Chief Minister wa pait ya ki kaam pynroi sor, u Sniawbhalang Dhar da ong u wa i yaklam kawa yatoh wa i kyrriah ya ki Harijan da poi noh ko cha iwa kut wei ka Blueprint leh da biang lut, wei ha ka tayaaw wow wan daw khut noh ya ka HPC yow yaklam.
Hawa yatoh wa i dawa wow e thaw deiwa rap heh ya iwa da pynkhreh hapoh ka Blueprint ka sorkar, u Sniawbhalang da ong u wa kamwa man kattæ i dawa ym em i wei lada emkaam yei pynkylla ha ka Blueprint, ka sorkar daw pait won ko.
Hawa yatoh wa i kdaw ka High Court wa da em i slem wow pynbait ya katai ka kaam, u Sniawbhalang da on u wa kani ka phang toh kawa da palat phaw snem, tangwa neiliang ka sorkar da pyrchang ko katwa ye yow pynbait noh ya kani ka kaam ha uni u snem.
Discussion about this post