Jowai: U District Magistrate, West Jaiñtia Hills District, Jowai ynne ka 25 tarik da pynmih hukum u wa hapoh Section 144Cr.PC da pynmih yaka hukum hapoh waroh kawi ka District wa kynthup ya ka Amlarem (Civil) Sub-Division, Thadlaskein Block wa Laskein Block nadooh ka 26th July, 2020 hadooh wa pynmih hukum da kamwi wei kani ka hukum u krehkaam ko nadooh 5:00 waje i step hadooh 9 waje i miet man-ka-sngi, deiwa khang leh wow lai na kawi ka jylla cha kawi.
Da ong wa kiwon kiwon ki yalang paidbah toh wow bood yaka Social Distancing deiwa yajngai 6 Ft uwi na uwi, ym chah wow pynman ya kiwon kiwon ki yalang niam, ym pu chah wow wai ki Hotel wa kiwi ki thaw sah bru lait noh kitu kiwa pynemkaam kam ki thaw leh Quarantine, ym chah wow wai ki thaw uiñke suwari wei wow pynman ya ki jait yalehke wa yatyngkhooh wa yabi uwi ya uwi.
Da khang ya kiwa 65 snem chaneiñ, kiwa em chwa i chitom, kiwa punkhon, ki khynnah wa hapoh 10 snem wow mih ki cha ki thaw paidbah. Kiwa mih cha ki thaw paidbah toh wow deiñ ki yaki Mask, ym toh wow mynthu ha ki thaw paidbah wei wow bood ya waroh ki kyndon sorkar.
Ym chah wow pynman ya kiwon kiwon ki jait yalang paidbah wa heh wa boon bru.
Da khang leh wow e bih ya ki um ki wah, wow pynemkaam Dynamite yow pynyap ya ki doh um.
Kani ka hukum ym krehkaam ko ya ki thaw sumaar kam ki Out-Patient Departments (OPDs), Medical Clinics tangwa hap ki wow bood yaka Social Distancing wa kiwi ki laad yada, da pynlait ya ki chipai, Security Forces, Medical Teams, Wholesale wa Retail Pharmacy, ki pulit, Fire & Emergency Service, MeECL & Power Grid, Food & Civil Supplies Department wa FCI, Jowai Municipal Board, Telecom, Communications & IT Services wa ki Common Service Centre (CSC), Print & Electronic Media, ki wakreh sorkar kiwa leh yei kaam yong ki, ki Bank wa Treasury, PHE, AH & Veterinary, Agriculture & Horticulture, C&RD wa Meghalaya State Pollution Control Board (MSPCB).
Kiwa da heh rta kiwa em 60 snem chaneiñ ym emkaam ki wow yoh yaka Curfew Pass, emkaam ki du wow rah yaka Photo ID Card yow pynsakhiat yei rta yong ki. Ya kiwa lai cha kiwi ki jylla, emkaam ki wow yoh yaka Interstate Transit Pass wa e da u Deputy Commissioner, West Jaiñtia Hills.
Kani ka hukum ym em khang ko yei wai ki dukan Fair Price Shop kiwa em hapoh ka NFSA wa NON-NFSA ki wow wai man-ka-sngi nadooh 26th July, 2020 nadooh 9:00 waje i step hadooh 6:00 waje i miet.
Kiwi ki dukan kiwa dai yei mar wa emkaam, ki dukan Hardware, dai juti, da tiar bordiñ, ki tiar khwe, ki tiar kyndehke wa kiwi kiwi kiwa da yoh bor u wai, u wai ki Monday hadooh Saturday kamjooh leh yaka Lay-bye Market wa em ha Ialong.
Ki karkhana chna kari u chah u wai ya kitu kiwa da yoh bor wow wai kamjooh kiwa chna Mobile Phone wa ki Computer.
Ki dukan ah sniooh ya ki chynrang wa kynthai u wa wai ki Monday hadooh Saturday nadooh 7 waje i step hadooh 6 waje i janmiet.
Ki Restaurant/Cafe /Food Outlet lait noh kitu kiwa em harood ki sarok-bah u wai ki Monday hadooh Saturday nadooh 9:00 waje i step hadooh 6:00 waje i miet.
Ki Hotel u wai du kitu kiwa yoh bor na u Deputy Commissioner.
Ki yaw wa chisien chitayaw wa kynthup ya ki dukan ha Iawmusiang (lait na ki yaw wa em khapood wa kiwi ki ri kamjooh kiwi ki jylla u man ki kiwa khang) u wai ki sngi pood 9:00 waje i step hadooh 6 waje i janmiet.
Ki kari kamai kamjooh ki bru samen u chah kamwa da dep pynbait nachwa kamjooh kiwi ki kaam kiwa da chah nadooh ki kaam chna yung, ki kaam rep, ki tih moochuni wa kiwi kiwi kiwa da yoh bor.
Kiwa leh pyrchah daw chah pynchitom chah daiñ kuna ki katkam ka Section 51(b) ka Disaster Management Act, 2005.
