Ka sorkar Meghalaya lyngba ka chnat Transport da pyntip ko wa katkam ka hukum wa da pynmih daka Ministry of Road Transport & Highways (MORTH) ka sorkar India, da pynyinsur yei krehkaam ki kot, ki sla kari hadooh ka 31-03-21.
Kini ki kot ki sla kynthup ki ya ki Fitness Certificate, waroh ki jait Permit, ki Driving License, ki Learners Permit waki Registration lada kiwa da kut por, u man ki kiwa im hadooh ka 31-03-21.
Chooh chooh da pyntip leh wa waroh ki daiñ kuna kam ki Late Fees/Additional Fees kiwa hap u su lada slem wow pynthymme toh kiwa da maap kiwa ym hap u toh manda pynthymme.
Da pyndam leh yaka dan neibynta ki kari kamai kamai hapoh ka “Non-Use Clause Facility”, kamtæ da phah yaki tre kari wow lai mih ki cha ki jar jiar ki DTO.
Chwa ini ka MORTH ha ka 30 Wisu, 2020 ha ka 9 Naiynru, 2020 wa 24 Naisaphra 2020 da pynmih hukum ko wow pynyinsur ya i rta ki kot wa yatoh wa ka Motor Vehicles Act, 1988 wa ka Central Motor Vehicle Rules, 1989 heiwa da rai wow pynyinsur ya ki kot kam ka Fitness, Permit, License, Registration wa kiwi ki kot.
