U Montri ka chnat Public Health Engineering (PHE), u Marcuise N. Marak da ong u wa i pynkrehkaam wei i pyrchang pynlai um na ka Greater Shillong Water Supply Scheme (GSWSS) Phase III toh iwa da sdang wei ini daw yarap bha i wow pyndap um ha sor Shillong.
U Marcuise da pyntip u wa ka Stage-I yong ka Project toh kawa da krehkaam katwa ka Stage-II dang man iwa dang kreh wei daw sdang Pump um noh cha ka Treatment Plant ha Mawphlang.
Chooh chooh da ong u wa hadien 17 snem kani ka Project wa Sanction nadooh u 2008 u sdang pynkrehkaam ka nadooh uni u bnai wei u sdang pyrchang (Test) noh ya ka.
Da e khublei u leh ya u Chief Minister, u Conrad K. Sangma wa da kyrchaan u ya kani ka Project, deiwa sñiawngooh leh ya u Chief Secretary warim, u D.P. Wahlang uwa da chimkhia wow pynyoh ya ki thaw wa da sahteiñ ki kreh.
Deiwa pynkrehkaam ya kani ka Project daw ye u e 8 million litre ka um chi sngi hapoh ka GSWSS, wow pynkhlan ya i yoh um ha sor Shillong.
Discussion about this post