U kyrkhu donhi ymtoh wow pynkyntang yei chongkha para chynrang para kynthai, pynche u Archbishop

U Archbishop ka Shillong, u Victor Lyngdoh da pynche u hajrong i pynmih ya ka dulir “Fiducia Supplicans” ha ka 18 tarik uni u bnai lyngba ka Dicastery for the Doctrine of Faith kawa da yoh leh yei mynjur na u Pope Francis kawa chah ya ki Langdoh Catholic wow kyrkhu ya kiwa chongkha para chynrang wa para kynthai.

U Archbishop da ong u wa ini kyrkhu ymtoh deiwa leh katkam ka aiñ u Blai wei ym em i leh niam yong ka Balang kawa yatoh kyrdan kam ka Sacrament Kyntu Kurim wei kani ka riti leh niam yong ka Sacrament Kyntu Kurim toh du neibynta kiwa chongkha u chynrang waka kynthai yow kdoh yutang chi junom.

Chooh chooh u Archbishop da pynche u wa kani ka dulir da klam ko iyi mut hawa kyrkhu wei ki jait duwai wa u Langdoh ye u duwai khlem da chim ya ka duwai yong ka Balang.

Kamtæ da ong u wa kani ka duwai kyrkhu ymtoh wow sñiawthooh bakla wa kani toh ka leh niam yong ka Sacrament Kyntu Kurim yong ka Balang Catholic.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neitæ da ong u leh wa kani ka dulir ym em pynkylla ko ya ka aiñ tynre yong ka Sacrament Kyntu Kurim ha ka Balang Catholic wei i duwai yong u Langdoh ym mut wa mynjur næ i pynchlur ya ini i rukom chongkha næ da pynkylla yei yumut manda ong ka chongkha wa kyntang.