Ka yalang yong ki kari kamai (Tourist) kiwa kynthup ya ki 25 tylli ki Association kiwa em hapoh ka lama yong ka All Jaintia Tourist & Commercial Vehicle Association kawa da pynman kyrpang ynne ka 2 tarik ha Paradiso Conference Hall, Jowai heipor kamwa 12:30 i sngi, da chim yaka rai da iwi i yumut wa mynstep ka 3 tarik, i kamai kari ha waroh kawi ka ri-loom Jaiñtia u man hi ko kamwa jooh man man-ka-sngi.
Kamtæ neiliang ka All Jaintia Tourist & Commercial Vehicle Association lyngba kani ka khubor pyntip paidbah ko wa kam kiwa lai wa wan kiwa chaniah ha ki kari kamai yong i, wym toh u sñiawthooh bakla phi. Ki kari kamai (Tourist) kiwa pynpoi luti ya phi na iwi i thaw cha iwi tawan daw kamai hi ki kamwa jooh kamai.
Kam wow pynkynmoo wa ini wa dep kiwa kamai kari ha Shillong da chim ki yaka rai wow khut yei dam kamai kari nadooh ka 3 tarik ha waroh kawi ka jylla hadien wym bien ka sorkar wow pynduna bai phniang kari.
