Ka KSU-EJHDU da pyntip ko wa kamwa da dep pynbna ini wadep, i yakhih deiwa thiah ha pyrdi sarok ha Khliehriat u lai bait i ha ka 25 tarik uni u bnai.
Kani ka yakhih u sdang ko nadooh 10:00 waje i step hadooh 4:00 waje i janmiet kam chibynta wow pynbor ya ka sorkar yow pynchna noh ya u sarok NH-6.
Ha kani ka yakhih ha katai hi ka sngi, nadooh 7:00 waje i miet hadooh 5:00 waje i step ka sngi wa bood daw em i sangeh i lai ki kari ha ki bynta u pood ka East Jaiñtia Hills District wei ini u pteiñ i kamwa chi tayaaw ha kitai ki jooh ki por nei miet hadooh i step.
Chooh chooh da ong wa ini ymtoh deiwa pynbor tangwa deiwa kyntu ya ki paidbah ka District wei kamjooh kiwa na baar jylla wow sangeh ki wow kamai wei pynlai kari ha kitai ki por wa da kdaw haneiñ kat wym pu ap ka NHAI wei kamjooh ka sorkar jylla yei eh ki paidbah.
Da kyntu leh ya ki paidbah wym toh u pynmih kulmar ki deiwa chim kabu ya ini i yakhih.
Daw pynlait ya ki kari kiwa kit bru wa kjut da ki Ambulance wa ki kari ki bru samen wei kini emkaam wow pyndait ki da ka lama rong yong.
Discussion about this post