U lai Delhi ka Ampareen yow pynkynmoo ya ka sorkar pyrdi yei bhah wa toh u yoh hapoh ka NEIGRIHMS

Ka Montri wa pait ya ka chnat i chait i khiah, ka Dr. M. Ampareen Lyngdoh da ong ko wa hap wow pynkynmoo ya ka sorkar pyrdi yeiwa em ka North Eastern Indira Gandhi Regional Institute of Health and Medical Sciences (NEIGRIHMS), heiwa ym yoh wow pyemkaam pura.

Da ong ko wa lada dang pynsahteiñ ya kitæ ki kyndon krehkaam ha kam kini ki skurbah yong ka sorkar pyrdi daw em i doohnong wa khroo ya ka jylla, neibhah wym yoh u pynemkaam pura.

Da ong ko wa ka NEIGRIHMS toh kawa em ha kani ka jylla wei emkaam ka bhah kyrpang wow yarap ya ki Doctor ka jylla deiwa pynrap wa ka bhah da em chwa neibynta ki jylla ka thaaiñ North East wei lada pynemkaam daw pynmih chooh ka bhah kyrpang neibynta ki Doctor ka jylla ha man ki chnat wa em ha kani ka skurbah.

Ka Montri da ong ko wa neibynta wow yoh myntoi wa pura wei paka nei em ka NEIGRIHMS, daw lai yaklam ko wa u Montri ka sorkar pyrdi cha Delhi, wei kyrmen ko wa u Montri daw ap u yei dawa.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Hawa yatoh waka Cancer Institute wa da thmu wow chna ha pchem ka NEIGRIHMS, ka Montri da ong ko wa ya ini leh daw yaklam cha Delhi khnang wow pynmankaam yow yarap ya kiwa kjut wa chitom yow pynlait nei hap phah sumaar cha baar.

Ka Ampareen da ong ko wa neiliang ka sorkar daw khut lang ko leh ya u Director ka NEIGRIHMS wow lai cha Delhi yow pynbait yeiwa emkaam ka ka jylla na katai ka skurbah.