Ka Laskeiñ Block Badminton Association (LBBA) da kitbok kitrwiang ko ya ki ar ngut ki khynroo yong ka kiwa kynthup ya u Banshanbor Lamare wa u Wympheremi Law ki wow lai yakhun na ka jylla na cha ka Yonex Sunrise 34th Sub-Junior (U-17 ) National Badminton Championship 2022.
Ya kani ka lympung u pynman ha Bhubaneswar, Odisha nadooh ka 26 hadooh 30 tarik uni u bnai.
Kam wow pynkynmoo u Banshanbor Lamare wa u Wympheremi Law toh kiwa yalehke wa pawnaam ka Laskeiñ Block Badminton Association kiwa da dep lai yakhun leh ya ka West Jaiñtia District Badmiton Association cha ka 37th State Badminton Championship wa da man ha Tura, West Garo Hills District heiwa da yoh takma ksiar ki ha ka Under-17 Category.
Neiliang ka Association wa u Wyrta da kitbok kitrwiang ki ya kini ki ar ngut wow wanrah ki yei naam wei burom ym du ya ka Association tangwa wot ya ka jylla waroh kawi.
