U leh burom ka JSU ya ki dkhot wa rim kamjooh kiwa thymme ha kani ka 17 tarik

Jowai : Ka Jaintia Students Union (JSU) Seiñbei kam chibynta wow yoh laad wow ya phyllu yumut ya ka luti wow lai ka seiñ neibynta ka jait bru daw pynman ko ya ka yachemlang ki dkhot wa rim kamjooh kiwa katni kawa tip kam ka “Homecoming of the Former & Present member of the JSU” ha knai ka 17 tarik u Kmaichonglad ha District Library, Mynthong Jowai nadooh i por 12 waje chiteiñ sngi.

Ha kani ka sngi hadieñ ka phyllu yumut daw em leh ka leh burom ya ki dkhot wa rim ka JSU kamjooh ya ki dkhot kiwa da e snam sniawbha yow yarap ya para doh para snam.

Kamtæ hei yatoh wa ini waroh da khut khut lang ya waroh ki dkhot wa rim ka JSU yow em bynta lang ki nadoooh kiwa seiñ ya ka JSU yow pyllait por ki ha kani ka sngi.

Kani toh katkamm ka khubor wa pyllait da u Emperor Bareh, General Secretary JSU.