U Superintendent of Police (City), EKH Shillong da pynman yalang u ynnin ka sngi ha Police Reserve Conference Hall, Shillong deiwa emlang ki waheh chnong wa ki dkhot ka Riatsamthiah, Wahingdoh, Jaiaw Shyiap, Jaiaw Mihngi wa Mawlai Phudmuri deiwa emlang leh kiwi ki heh pulit kam ki OC, ki IC wa ki ANTF yow yaklam hajrong kiwa boon ki kaam pyrchah aiñ wa leh ki bru cha loom tlep-bru wa ki khloo wa em ha Lawmali iwa da man i kaam wa da sñiawkhia ki chnong wa em leh chajan ka Lawmali leh.
Ha kani ka yalang da chim ka rai wa kini ki kaam kam kini heiwa ki paidbah lai uiñ pynlut por ki chapoh ka khloo Lawmali ym chah de lada chem toh kiwa dai drugs, kiwa dih drugs wa kiwa dih kiad wei daw kem ya ki wei daw pynchitom katkam ka aiñ.
Heiyatoh won wa i por miet wa em kiwa leh ya kini ki kaam heiwa kani ka thaw dang haap ko hapoh i pait ka chnat Forest daw lai yaklam wa ki heh ka chnat heiyatoh wa ini yow chna Gate wei wow ker noh ya kani ka thaw.
Da yaklam leh hajrong i rukom kem ya kitu kiwa leh yei kaam pyrchah aiñ heipor miet ha kini ki thaw kam i chong dih kiad, dih drugs hapoh kari kiwa pynyieñ ha rood sarok heiwa ya kini daw chah pynngat ki hapoh ka Section 110 ka Meghalaya Police Act waka NDPS Act.
Kiwi de ki phang wa da yaklam toh kammon wow pynduna yei pynemkaam drugs kamjooh i khayi drugs hapoh Shillong heiwa da yoh boon ki buit.
Discussion about this post