Jowai: U Lomris Lyngdoh uwa naka chnong Sohkymphor East Jaiñtia Hills District uwa da rai wow yakhun Election MDC chaka JHADC naka 20-Muthlong Sohkymphor Constituency da yoh u yaka ticket wow yakhun naka Party UDP lyngba ka thup wa da pynbna daka Party ha ka 24 tarik.
Lyngba ka khubor wa phah u da pyntip u wa i angnood yong oo wow yakhun ya kani ka Election MDC toh wa hadien da ki boon boon snem jooh man u kam u waheh chnong ka Sohkymphor yoo chynna u chibun i eh i kho ki paidbah wa emkaam u yarap haka chnong kamjooh ka Constituency.
Neitæ daw sñiawngooh u wa lada yoh u ka laad wow man kam uwa mihkhmat yong ki wei u thooh u ki laad ki luti wow yakhun yei chitom sajia ki paidbah ka Constituency kamjooh ka imlang sahlang hi waroh kawi.
Kamtæ da kyrpaad u ya ki paidbah ka Constituency wow e ki ya oo i kyrchaan wa pura yow poi u haka thnong, khnang yow yoh u wow wanrah i roi i paar.
Discussion about this post