U mankaam noh i pynheh ya ka Shillong Airport deiwa emkaam sa 16 Acre i thaw

I thmu wow pynheh ya ka Shillong Airport kawa em ha Umroi da mankaam ko hadien wa ka Airport Authority of India (AAI) da e ko ya ka Report kawa ar wa ye wow pynheh ya kani ka thaw hiar ki lieñsuiñ yow ye u wan da kiwa rap heh.

Yeini da pyntip da u Symbood Montri Rangbah ka jylla uwa pait leh ya ka chnat Transport, u Sniawbhalang Dhar hadien wa lai pait u ya kani ka thaw ynne ka sngi. Da yachem u leh wa ki heh ka AAI wei kamjooh ki sahep ka chnat Aviation ka sorkar India ryngkat ki heh ka jylla.

U Sniawbhalang da ong u wa ka sorkar da chimkhia bha ko wow pynyoh ya ka Airport kawa heh, wei hadien wa da yoh ya ka Report na ka AAI da em kyrmen wow pynheh ya ka Shillong Airport, tangwa da ong u wa daw hap yaklam waka sorkar India yow pynkyllooid ko ya ki kattu katni ki kyndon.

Da khana u wa i pynheh toh kawa ye u leh cheiliang wa cha tre (South), wei emkaam chooh chooh yei thaw wa sa 16 Acre neibynta ini wa sa 6 Acre won neibynta wow pynyieñ ya ki lieñsuiñ, wei pyntip u leh wa neibynta ka luti wow hær wow hiar (Runway) da emkaam sa 900 meter yow pynjrong neibynta yow ye wow wan ki lieñsuiñ kiwa heh.

Related posts

Yoh pynlait ka KSU Delhi Unit sa kawi ka kynthai na East Jaiñtia Hills kawa da em hei maa

May 14, 2025

Lai pait u Conrad ya ka paikhana skur wa chna da ki Plastic wa da noh

May 14, 2025

Hawa kylli, da ong u wa lada yoh wow pynheh ya kani ka Airport cha tre, ym emkaam de wow ah ya ki loom kiwa em hajan.

Heiyatoh won wa i lut, da ong u wa katkam ka Plan wa katni daw lut Rs. 500 klur na ka sorkar India, wei neibynta i thaw daw pynlut da ka sorkar jylla.