Ka KSU South West Khasi Hills District, KSU Lawbah Border Area Circle deilang waka KSU Mawsynram Unit da e ki yei kyrchaan wa pura yei rai yong ka Dorbar Chnong Mawsynram wow pyrchah yei wan lehniam ha ka krem Mawjymbuiñ da kawi ka kynhun niam.
Ka KSU da ong ko wa yieñ ko deilang wa ka chnong Mawsynram wei smat ko leh wow mih chakhmat wa kiwa chong chnong ka Mawsynram lada i kaam dawa i wow hap mih chakhmat.
Ka seiñ da ko wa ka krem Mawjymbuiñ toh ka thaw uiñke suwari wei ymtoh wow pynkylla ka kam ka thah lehniam wei da maham leh ya kitæ ki kynhun niam wym toh u wan thombor næ pynman yabor ya kam kitæ ki lehniam hawa ka chnong Mawsynram pyrchah ko yeini.
Chooh chooh da ong wa ini i thombor næ wow leh yabor yei lehniam man ko wow yooh beiñ yei hok ki tre thaw wei ym pdiang ya kiwon kiwon kiwa wan leh yabor khlem da pyrkhat yei sñiaw kiwa boon walang kani ka thaaiñ.
Da ong leh wa kani ka krem Mawjymbuiñ toh kawa da em i parom hiar pateiñ wei ymtoh wow pynkylla yeini yow yahbakla ya ka pateiñ wow wan wei lada pynman thaw lehniam daw pynsihdur ko ya kani ka thaw neibhhah kani ka thaw ym em yatoh ko wa ka niam.
Discussion about this post