Kawi na kiwa yakhunkti na Meghalaya kawa na Lumdieng, Umden, Ri-Bhoi District kawa tip kam ka Senibi Syngkli da pynkhreh ko wow lai mihkhmat ya ka India cha ka lympung Asian Arm-Wrestling Cup ka wow man ha Uzbekistan nadooh 17 hadooh ka 25 tarik uni u bnai.
Ka Senibi da pynyoo ko yei sap wow man kam kawi na kiwa yakhunkti wa khlan hei wow mihkhmat ko ya ka India hadien wa jop ko ya ka 45th National Arm-Wrestling Championship 2023 ha Jammu and Kashmir, heiwa da yoh ko artylli ki Takma Ksiar wa ar tylli ki Takma Rupa.
Heiyatoh wa i pynkhreh ko ya ka Asian Arm-Wrestling Cup, ka Meghalaya People Social Organization (MPSO) na Ri-Bhoi District da yachem ki ya ka Senibi wow e mynsien wei wow kyrchaan ya ka.
Ka Senibi Syngkli da yoh yaroh bha ko na ka chnong ka thaw wei da kyrmen skem ki leh wow wanrah naam biang ko ha kani ka lympung yong ki ri wa em haph ka dawbah Asia.
Discussion about this post