U mihkhmat ka Sheetal ya ka India wow yakhun pyrchah ya kiwa dap pura hei doh i pran

Ka khloor yasiat knam ka ri, ka Sheetal Devi ha kani ka kynti da booh ko sa uwi u moomær wow sahkynmoo heiwa da yoh ko u yakhun pyrchah ya kiwa biang hei doh i pran namo ki Able-Bodied.

Ka Sheetal kawa da yoh Takma Ksiar ha ka Paralympics kattu u yakhun ko pyrchah ya kiwa dap pura hei doh i pran deiwa chimbynta ha ka Asia Cup Stage 3 ha Jeddah, Saudi Arabia ha u Kmaichonhlad (Dec) hadien wa yoh ko yei kyrdan wa le ha ka Final Women’s Compound ha ka Four-Day National Selection wa pynman ha Sonipat, Haryana.

Ka Sheetal kawa da kha wei chitom khlem em kti ko wa tip leh kam i Phocomelia, da angnood bha ko wow yakhun pyrchah ya kiwa dap pura ha i doh i pran.

Related posts

Da phah pyndam yei pynman ya ka Final ka Super Division ka WJDSA

December 21, 2025

Yaroh ka sorkar pyrdi ya uwa na Dulong, na Nongkynrih wa kiwi de kiwa chim yei kitkhlieh wow pynlang yei jhep

December 20, 2025

Ka Sheetal da ong ko wa heipor wa sdang ko da angnood ko wa ha kawi ka sngi daw yoh ko u yakhun pyrchah ya kiwa dap wa biang wei ha ka Asia Cup Trials da yoh ko ya ka Rank 3 yow mihkhmat won kattu ya ka India ha ka Asia Cup – pyrchah ya kiwa dap pura (Able-Bodied Category).

Ka Sheetal kawa na Jammu and Kashmir da yoh Takma Tama ko ha ka Paris 2024 Paralympic Games, wei da yoh ko ya ka Takma Ksiar ha ka World Archery Para Championships ha Gwangju, Korea.