U mihkhmat u Khabok Siangshai ya ka Meghalaya ha ka GMI-Mister India 2024

U khynroo Khabok Siangshai da chah jied u wow mihkhmat ya ka Meghalaya cha ka rynsan yakob wa tip kam ka GMI-Mister India 2024.

U Khabok toh uwa chong wa sah ha Moolamanoh, East Jaiñtia Hills wei ya kani ka yakob da pynlai da ka Global Model India (GMI) kawa daw pynman ha uni u bnai nadooh ka 12 hadooh ka 15 tarik ha Pune, Maharashtra kawa man leh ka Grand Finale.

U Khabok toh uwa em 27 snem i rta wei ini wadep da chimbynta u leh ha ka Face of Meghalaya kawa da pynman haka 30-11-24 ha U Soso Tham Auditorium, Shillong da ka Perfect Capture Studio heiwa dapoi u cha ka Top 10.