Kiwa sikai skur SSA hapoh ka lama Meghalaya SSA School Association (MSSASA) da pynsñiaw ki wow mylliñ noh ki yeiwa klam u Lahkmen Rymbui, iwa da pyntakha ya ki heipor wa yakhih dawa tulop ki.
Kam wow kdaw heini, kiwa sikai da maham kylla ki ya u Lahkmen wei da dawa ki leh wow paan maap u, hadien wa u Montri ka chnat puræ puthi da maham u wow khate ya ka tulop kiwa sikai lada ym sangeh yakhih ki wei wow lai biang ki cha skur.
Neiliang kiwa sikai da pynsñiaw ki wa da maap ki yeiwa klam u montri iwa man iwa bakla, deiwa kyntu wow pyrkhat bha lada klam iwon iwon ymtoh wow pyntakha ya kiwa sikai SSA.
