U neh bait ka UDP ha ka sorkar MDA-II hadooh wa kut ki san snem: Metbah

U President ka UDP, u Metbah Lyngdoh da ong u wa kamwa da rai ha u 2023, ka UDP u neh bait ko ha ka sorkar MDA-II hadooh wow kut ki san snem.

Hawa klam ynne ka sngi, da ong u wa ka Party ym tip ko yei mih khubor wa em i khñium ha ka Party wei daw pteiñ hi ko wa ka sorkar MDA-II kawa yahkhmat ka NPP.

Hawa pynche hajrong ini, u Metbah da ong u wa ka UDP ymtoh wa khwan ko wow lai psiah dei thlah ha ka sorkar tangwa toh hadien ar sngi wa u Montri Rangbah ka jylla, u Conrad K Sangma da khut u ya u ka Party wei da chim yei rai hadien wa da ya phyllu hapyrdi kiwa yahkhmat.

Da ong u wa du chi snem wa dang lai ka sorkar wei daw pait hadien 3 næ 4 snem tangwa ki paidbah hadien chi snem ym e kyrchaan ki ya ka UDP, wei kam ka nongmuna ha Mairang Constieuncy, u MLA ka UDP ha u 2023 da yoh u 19,000 Vote katwa ha u 2024 da e ki du 8,000 hawa yaleh MP Election.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U President ka UDP da ong u wa ha u snem 2018 ka Party da ya krehlang ko wa ki jooh ki Party wa da emlang ka BJP wa NPP tangwa kammon kattæ da ya phær won.

Da ong u wa katkam wa khana ki paidbah, ki kyrchaan ki ya kiwi neidaw wym em wa wan yaklam ya ki ha kani ka Election MP wei na itæ i daw da thap ki kat chawa sñiaw biang ki.