Jowai: U Dasakhiat Lamare uwa man leh u khon u MLA ka Umroi u Ngaitlang Dhar kamjooh u kyrtong MLA ka NPP hawa yaklam wa kiwa pathai khubor da ong u wa toh iwa sakhiat wa u pa u wa tyrwa ya oo wow yaleh election u tangwa ym em ong u ya oo neiwon u yieñ Election wei ym toh deiwa pynbor ya oo wow yieñ u na Mawhati wei neilaing yong oo da ong u wa la kamwa 10-11 snem ka manyung da em ko ha ki kaam Politics kamtæ oo leh i thrang yong oo toh wow wanrah ya i roi i paar hapoh ka chnong ka thaw wei wow yieñ yaleh Election hi toh ka rai yong oo samen wei ym em kiwa pynbor ya oo.
Da ong u leh wa manda jop i thong wa hakhmat dooh toh wow wanrah ya i roi i paar hapoh ka Mawhati Constituency kawa hadooh katni man ko kawa sahdien nadooh ki sarok, ki um baam um dih ki skur heiwa wot tang ka thaw thoh matrik leh ym em ko kamjooh leh ki thaw sumaar kiwa dang duna bha.
Hawa kylli won i rukom chna sarok ka Dhar Construction wa pynkreh ko yaphær i na i rukom pynkreh kiwi tawon, u Lamare da ong u wa hadooh katni ym em u phær i wei man i leh iwa bha nadooh nachwa hadooh katni wei wa ka sorkar da booh ko leh ya ka por wa tip kam ka Defect Liability Period heiwa ki Contractor namo ki Company emkaam wow pynmiat ki yeiwa sih hapoh kattu katni snem. Da pynrap u deiwa ong wa i chaah pynbaad ki toh du neidaw wa em ki ha ki kaam saiñ hima heiwa boon kiwa bichni wei atnood ya ki.
Da ong u leh wa ka Mawhati ymtoh ka thaw wa nyngkong wa pyrkhat u wow yieñ yaleh u wei da em leh ka Sohryngkham neidaw kiwa mih khmat ka chnong hadooh ki balang waphær waphær da jooh wan ki ha u pa yong oo (Ngaitlang Dhar) wow yieñ yaleh Election u na kani ka thaiñ tangwa hawa sdang u snem 2016 da wan won kiwa mih khmat ka Mawhati kiwa kwah kyrtong wow yaleh wei neidaw wa yajan ko waka Constituency u pa u, da jied noh u da ka Mawhati.
Discussion about this post