U paan NOC ka SSSU naka sorkar yow taan bordiñ noh na Bangladesh

Jowai: Ka Seng Samla Shnong Umkiang (SSSU) hadien wa dep ko u chong pyrkhat bha da rai ko wow paan naka sorkar yow e noh da ka No Objection Certificate(NOC) yow taan bordiñ naka ri Bangladesh neidaw waka sorkar Meghalaya ym ye ko u pynbiang bordiñ ya ki paidbah kiwa em cha ka thaaiñ Umkiang wa kiwi ki chnong wa em chajan hapoh ka East Jaiñtia Hills District.

Uwa e ktien ya ka SSSU u Kynjaimon Amse ha ka kyrwoh wa phah ka seiñ da ong wa nadooh ka sngi wa nyngkong wa poi i bordiñ ha Umkiang wa kiwi ki chnong wa em chajan ym jooh yoh bordiñ tang 5 kynta chi sngi wei kam ha ki chnong Kuliang, Umkiang, Pyrtakuna, Dona Skur, Dona Umbluh wa Ratacherra jooh yoh bordiñ ki nadooh 6 waje i miet hadooh 12 waje pynrdi synyaw tangwa ha kiwa boon ki por ym jooh em yoh bordiñ da ki tayaw wa ki bnai tangwa ka bai bordiñ da poi ko thij thij kawa da phah su T. 650 chaneiñ ya ki paidbah lada ym em yoh bordiñ leh.

Hanlada kiwa yahkhmat ki chnong da ujor ki da boonsien tangwa ym em wa chimkhia wow pynbiang bordiñ ya ki chnong wa em cha khappood. Khlem i bordiñ da ktah lut ko ya i chait i khiah ki paidbah wa sah cha kini ki thaw kiwa man kiwa chit, da ktah ko leh ya ki yung skur wa boon wym ye ki u pynduna ya i chit kamjooh i puræ puthi ki khynnah.

U Amse da ong u leh wa ha Umkiang nadooh ka sngi Good Friday hadooh ynne ka sngi ym em bordiñ ki tangwa ha Lumshnong ka thaw wa em boon ki karkhana pynmih khyndaw-bilat, kini ki karkhana ym jooh em thut i yoh bordiñ ki iwa da pyn pyrkhat ya ki paidbah wa ka MeECL da e ko yei bhah bordiñ ki paidbah cha kini ki karkhana.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ da pynman ko ya ki paidbah wow dam u su ya ka bai bordiñ neidaw wa ka MeECL ym bna ko ya kiwa em cha nongkyndong wei lada 2 sngi u dooh bordiñ ha Shilllong, daw mih i chrai ki paidbah wei smat ki Engineer wow phet chawah chaneiñ yow pynyoh bordiñ tangwa ya kiwa chong wa sah cha nongkyndong ym bna ka sorkar ki.

Na kini ki daw ka Seng Samla Shnong Umkiang (SSSU) sñiaw ko wow paan bordiñ na ri Bangladesh man ko kawa suk dooh wei daw lai paan hi leh da ka NOC naka sorkar yow ye u leh ya ini wei da yooluti leh wa u pdiang ka sorkar yeini dawa yow lait noh ki paidbah na ini i chitom.