U President ka All Khasi Meghalaya Tourist Taxi Association, u Ricaldinus Dohling da ther u deiwa eh ya u Montri ka chnat Tourism, u Paul Lyngdoh deiwa ong wa kattæ u Paul da kylla khangtleiñ i rukom man u kam uwa dai ri ymtoh de kam uwa yahkhmat uwa nachwa.
Ini i klam u President ka AKMTTA toh hadien wa ka sorkar ym bna ko wow khut yaklam wot hadien wa da pynman yei yakhih kdoh lama rong yong nadooh ka 9 tarik uni u bnai yow dawa na ka sorkar wow chna ya ki aiñ wow pynrkhiñ ya ki kari Tourist wa wan na baar wow kamai laitlan cha ki thaw uiñke kiwa em ha ka jylla.
U Ricaldinus ynne ka sngi kawa man leh ka sngi khaddooh i yakhih kdoh lama, da pynbna u wa ha ka 18 tarik uni u bnai, ka seiñ daw pynman ko ya ka yalang paidbah ha madan Malki, Shillong yow nang pynjoor yei dawa yong ki na ka sorkar wei ha katai ka sngi daw wan ki dkhot na kylleiñ ki District.
Discussion about this post