U phah Notice ka sorkar cha ki skur wa chim bai skur deiwa syad

U Montri ka chnat puræ ka Meghalaya, u Rakkam A Sangma da pyntip u wa ka sorkar daw pynmih hukum ko ya ki skur khamtam kitu kiwa yoh yei kyrchaan na ka sorkar wow pynksan ki yei dor ka bai skur wa chim ki.

Da ong u wa emkaam bha wow em i khooid wei wow kduplang ya waroh ha ki kaam puræ puthi, kamtæ ka sorkar daw thoh ko cha kitu ki skur wa da e ko yei kyrchaan yow paan pynche yei syad dor ka bai skur ki, neibhah kitu kiwa yoh yarap na ka sorkar toh u em ki yei bahkhlieh neibynta ka imlang sahlang wei ka sorkar daw phah ko da ki Notice heiyatoh wa ini.

Da kyntu u leh ya ki skur wa em ha Meghalaya wow man ki kiwa pyrkhat khamtam neibynta ki khynnah wa wan na ki yung ki sem wa dooh wa duk neibhah em na ki leh kiwa stat bha tangwa ym yoh ki wow lai puræ ha ki skur wa miat neidaw wa wym yoh poisa ki wow su ya ka bai skur.

Kamtæ da ong u wa kini ki skur wa yoh kyrchaan na ka sorkar toh u pynyoo ki yei wyrai ya kam kini ki khynnah.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da pynbna u leh wa ka Meghalaya daw pynkrehkaam ko ym slem de ya ka School Quality Assessment and Assurance Framework (SQAAF) iwa sariem yeiwa pynemkaam ka NAAC.